ကလေးတွေကြောင့် မဟုတ်ပါ
တခါတုန်းကပေါ့၊ စာတွေ ကောင်းကောင်းမသင်ပဲ အတန်းတွေအောင်ပေးတဲ့ခေတ်၊ ဆရာဆရာမ မလုံလောက်၊ စာသင်အထောက်အကူပစ်စည်းတွေ မစုံလင်တဲ့ ခေတ်ဆိုပါစို။ ပညာရေး ၀န်ကြီးတဦးဟာ နယ်မြို့လေးက ကျောင်းတကျောင်းကို ကြည့်ရှုစစ်ဆေးဖို့ သွားရောက်ခဲ့ပါတယ်။ သိတဲ့အတိုင်း မြန်မာနိုင်ငံမှာက ဘာဝန်ကြီး ညာဝန်ကြီး ဆိုရင် လက်အုပ် ကလေးတွေချီပြီး အရိုအသေပေးကြတာပေါ့။ ဒီလိုနဲ့ အတန်းတတန်းထဲ ၀င်ကြည့်တော့ အခန်းထဲက ကမ္ဘာလုံးတလုံး တင်ထားတာတွေ့လို့ ကလေးတွေရဲ့ ပညာရေးအခြေအနေ စစ်ဆေးဖို့ အကြံရလိုက်တယ်။ ဒါကြောင့် ကျောင်းသား တယောာက်ကို
“ ဒီကမ္ဘာကြီး ဟာ ဘာလို့ နှစ်ဆယ့်သုံး နှစ်ပိုင်းတစ်ပိုင်း ဒီဂရီ တိမ်းစောင်းနေရတာလဲကွ” ဆိုပြီးမေးလိုက်ပါသတဲ့။
အမေးခံရတဲ့ ကျောင်းသားလည်း ပျာပျာ်သလဲနဲ့ “ဒါကျွန်တော်လုပ်တာ မဟုတ်ပါဘူး” လို့ ပြန်ဖြေလိုက်ပါတယ်။
ဝန်ကြီးလည်း ကလေးတွေရဲ့ ပညာရေးအခြေအနေကို တော်တော်လေး စိတ်ညစ်သွားတယ်။ ဒါနဲ့ နောက်နားက ကျောင်းသားတစ်ဦးကို ထပ်မေးပြန်တယ်။ အဲ့ဒီကျောင်းသားလေးကလည်း ခေါင်းကလေးခါပြီး “ ကျွန်တော် ဒီနေ့မှ ဒီအခန်းကို ပြောင်းလာတာ ကျွန်တော်လုပ်တာ မဟုတ်ဘူး” လို့ ဖြေပြန်တယ်။
ဝန်ကြီးလည်း ကလေးတွေ ပညာရေး အခြေအနေအပေါ် ဒေါသ ထွက်လာတာပေါ့။ ဒါကြောင့် အနားက ကျောင်းဆရာမ ဖက်လှည့်ပြီး “ဒါဘယ်လို ဖြစ်ရတာလဲဗျ” လို့ မေးလိုက်တယ်။
ဆရာမက လက်အုပ်ကလေးချီပြီး လေသံပျော့လေးနဲ့ “ဒါ ကလေးတွေ လုပ်တာမဟုတ်ပါဘူးရှင့်။ ဒီကမ္ဘာလုံးကြီးက ၀ယ်လာကတည်းက ဒီလိုပဲ စောင်းနေတာပါ” တဲ့။
ဝန်ကြီးလည်း ဒေါသတွေထွက် မျက်နှာတွေနီပြီး ကျောင်းအုပ်ဆရာကြီးဘက် လှည့်ကြည့်လိုက်ပါတယ့်။ အစအဆုံး အခြေအနေကို သိနေတဲ့ ကျောင်းအုပ်ဆရာကြီးလည်း မတတ်သာတော့ဘဲ ခါးကလေးညွတ် အရိုအသေးပြုရင် အခုလို ရှင်းပြလိုက်ပါသတဲ့ဗျာ။
“၀န်ကြီးခင်ဗျာပြောရမှာတော့ ခက်ပါတယ်။ ပွင့်ပွင့်လင်းလင်းတင်ပြရရင် ကျနော်တို့ ကျောင်းက ရံပုံငွေ အခက်အခဲရှိနေတာကြောင့် ဈေးချိုတဲ့ လမ်းဘေးဈေးမှာ ၀ယ်ခဲ့မိုလို အခုလို တိမ်းစောင်းနေတာပါ”
@@@@@@@@@
နတ်ရှင်နောင်ကို ဘယ်သူသတ်သလဲ
ဒီအကြောင်းအရာနဲ့ သံတူကြောင်းကွဲ ဟာသလေးတစ်ပုဒ်က ဒီလိုပါ။
တခါးတုန်းက ပညာရေးဌာနက စစ်ဆေးရေးအရာရှိတစ်ယောက်က နယ်မြို့လေးတစ်မြို့က စာသင်ကျောင်းတကျောင်းကို စစ်ဆေးဖို့ ရောက်လာပါသတဲ့။ အတန်းတွေ တခုပြီး လိုက်လံစစ်ဆေးရင်း ကျောင်းသားလေး တယောက်ကို မေးလိုက်ပါတယ်။
“နတ်ရှင်နောင်ကို ဘယ်သူ သတ်သလဲကွ”
ကျောင်းသားလေးဟာ တော်တော်လေး ကြောက်ရွံသွားပါတယ်။ အသံတွေတုန်ပြီး ........ “ကျ ကျနော် မသတ်ဘူး” တဲ့။
ပညာရေးအရာရှိဟာ ကလေးရဲ့ ပညာရေး အခြေအနေ အတော်လေး မကျေမနပ်ဖြစ်သွားပြီး အတန်းပိုင် ဆရာမကို လှည့်ကြည့်လိုက်တယ်။ အတန်းပိုင်း ဆရာမလည်း ကမန်းကတမ်းနဲ့ ကျောင်းသားလေးအတွက် စိတ်ပူပြီး ကျောင်းသားလေးဖက်က ကာကွယ်ပြီး ပြောလိုက်တာက .........
“ဒီကျောင်းသားလေးဟာ အတန်းထဲမှာ သိပ်အေးပါတယ်ဆရာ။ ကျောင်းသားအချင်းချင်းတောင် ရန်ဖြစ်တာ မရှိပါဘူး။ သူသတ်တာတော့ မဟုတ်နိုင်ဘူးထင်ပါတယ်ရှင့်”တဲ့။
စစ်ဆေးရေးအရာရှိလည်း ဘာမှ ဆက်မပြောတော့ဘဲ ကျောင်းအုပ်ကြီးကို ရုံးခန်းမှာ ဒီအကြောင်း ပြောပြလိုက်တယ်။ စိတ်ဆိုးမာန်ဆိုးလည်း ဖြစ်နေတာပေါ့။ ဒီတော့ ကျောင်းအုပ်ကြီးကလည်း တောင်းတောင်းပန်ပန်နဲ့ ပြောရှာပါတယ်။
“စိတ်တော့ မရှိပါနဲ့ဗျာ။ ဒီကျောင်းဆရာမလေးနဲ့ ကျောင်းသားလေးနဲ့ ကျောင်းသားလေးဟာ ကျနော်နဲ့ တရပ်ကွက်တည်း နေကြတာပါ။ အလွန်ရိုးအေးပါတယ်။ သူတို့ကို ဒီကိစ်စနဲ့ ပတ်သက်ပြီး သံသယ မရှိစေချင်းဘူးဗျား ကျနော် ကိုယ်တိုင် အာမခံပါတယ်။ သူတို့ ကျူးလွန်တာတော့ လုံးဝ မဖြစ်နိုင်ပါဘူးခင်ဗျာ”
ပညာရေး အရာရှိလည်း ဘာမှ ဆက်ပြောမနေတော့ပဲ မျက်စိမျက်နှာပျက်ပြီး ပြန်သွာပါတယ်။ နောက်တော့ဖြစ်ကြောင်း ကုန်စင်ကို ပညာရေးဝန်ကြီးဌာနဆီ စာတင်လိုက်သတဲ့။ ဒီလိုနဲ့မကြာခင် ၀န်ကြီးဌာနက အခုလို စာပြန်လာပါတော့တယ်။
“နတ်ရှင်နောင် သေတာလည်းကြာပါပြီ။ နောက်ထပ် စုံစမ်းစစ်ဆေးမှုတွေ လုပ်မနေပါနဲ့တော့” တဲ့။
@@@@@@@@@@@@@@
တံတားဆောက်မယ် လမ်းဖောက်မယ်
တခါက နတ်ပြည်က သိကြားမင်းနဲ့ ငရဲပြည်က ငရဲမင်းတွေ့ကြပြီး နတ်ပြည်နဲ့ ငရဲပြည် ရထားလမ်းဖောက်လုပ်ပြီး ရထားလမ်းကို လူ့ပြည်မှာ ဆုံဖို့ သဘောတူကြပါတယ်။
ဒါနဲ့ ငရဲမင်းကြီးက ရထားလမ်း ဖောက်လာလိုက်တာ လူပြည်ကို ရောက်လာပါလေရော။ ဒါပေမဲ့ သိကြားမင်းရဲ့ ရထားလမ်းက အစအနေတောင် မမြင်ရသေးပါဘူး။ ငရဲမင်းကြီးက “ သြော် . . . နောက်ကျနေလို့နေမှာပဲ ” ဆိုပြီး ဆက်ဖောက်လာလိုက်တာ ရထားလမ်းက နတ်ပြည်မှာ ဆုံးပါလေရော။ ဒါနဲ့ ငရဲမင်းကြီးလည်း စိတ်တိုတာနဲ့ သိကြားမင်းကြီးကို အပြစ်ပြောပါလေရော။
အဲ့ဒီမှာ သိကြားမင်းပြန်ပြောလိုက်ပုံက “ ခင်ဗျားတို့ ငရဲပြည်မှာက ဆောက်လုပ်ရေး ၀န်ထမ်းတွေ ပေါတယ်ဗျ။ ကျူပ်ဆီကိုက တစ်နှစ်နေလို့ တစ်ယောက်တောင် ရောက်တာမဟုတ်ဘူးဗျ” တဲ့
@@@@@@@@@@@@@@@
ကိုသူရိန်ထက် ရေးတားထားထာကို သူငယ်ချင်းတစ်ယောက်က မေလ်းနဲ့ ပြန်ပို့ပေးလို့ စမိုင်းမေ ဘလော့မှာ တင်လိုက်တာပါ။
